O ano pasado a luz de Bóveda atravesaba a Rúa do Dictador. Este ano, coma nun conto, a escuridade foi vencida e hoxe dous fachos alumean a Rúa de Galicia: Alexandre Bóveda e Manuel Lustres Rivas.

O xeneral traidor e sanguinario xa non ten placa de honra na nosa cidade. Franco xa está no seu lugar: recorrendo a cloaca  que o levará a fosa séptica da historia xunta os  seus colegas Hitler e Mussolini.

Hai máis claridade na rúa e nunca luciu tan luminosa….e mira que pasaron anos !! . Creo que ata os homes grises e tristes que nos gobernan danse conta diso e semellan temerosos e medio cegos pola luz. Agora os nosos dous mártires estan nun lugar máis acaído e a xente camiña máis leda pola rúa…. Coma se fosen escoitando Os Repentistas da Gaita” os mestres Romero e Maño.

Cronica de Manuel Domínguez en Certo O Xornal Virtual do Barbanza.

http://certo.es/index.php?page=homenaxe_a_manuel_lustres_rivas

“ Homenaxe a M. Lustres Rivas – Día da Galiza Mártir. “

A asociación cultural Altofalante, conmemora en Ribeira o Día da Galiza Mártir

A actividade desenvolverase o vindeiro sábado día 14 ás 20:30 na Rúa Lustres Rivas de Ribeira e convídase a participar a todas as persoas que así o desexen.

Fillo predilecto de Ribeira, Manuel Lustres Rivas político nacionalista, agrarista, ilustre xornalista e loitador incansábel das liberdades, polas cales sacrificou a súa propia vida. Nos primeiros días do golpe militar foi detido e encarcerado na illa de San Simón. Asasinado o 10 de novembro de 1936, o seu corpo sen vida, apareceu na gabia dunha estrada de Redondela.

Por iniciativa dos galegos no exilio e na emigración, o día 17 de agosto foi proclamado

Día da Galiza Mártir en nome de Alexandre Bóveda e de todos os demócratas e nacionalistas

desaparecidos a consecuencia do alzamento fascista de 1936.

O Acto consistirá en:

- 20:30 h. BENVIDA na Rúa Lustres Rivas aos /ás asistentespor parte de Xosé Antonio Vázquez Cobas, presidente da A.C. Altofalante

- 20:45 h. SEMBLANTE BIOGRÁFICO DE LUSTRES RIVAS. A cargo de Luis Teira,directivo da A.C. Altofalante autor dunha breve biografía do homenaxeado e concelleiro do BNG en Ribeira.

- 21:00h. OFRENDA FLORAL preto da placa de Lustres Rivas e AGASALLO dunha breve BIOGRAFÍA de Manuel Lustes Rivas.

- 21:10h. PASARRÚAS pola RÚA DE GALICIA ata chegar a Rúa ALEXANDRE BÓVEDA.

- 21:15 h. INTERVENCIÓN POÉTICA. Homenaxe a Alexandre Bóveda a cargo de Antón Parada Bretal.

- 21:30 h: OFRENDA FLORAL na Rúa Alexandre Bóveda.

- Estaremos acompañados polos maestros gaiteiros: Pepe Romero e Maño que interpretaran diversas pezas na súa memoria.

Acto cívico e reivindicativo en lembranza do traslado dos restos mortais de Rosalía de Castro

A Asociación Cultural Altofalante, Barbantia e Antrospinos van participar no acto cívico en lembranza do traslado dos restos mortais de Rosalía de Castro que organiza a Asociación de Escritores en Lingua Galega.

O acto finalizaría en Santo Domingos de Bonaval.

[ 15 de xullo de 2010 ]

A Asociación de Escritores en Lingua Galega (AELG) vai celebrar o vindeiro 15 de xullo un acto cívico e reivindicativo en lembranza do traslado dos restos mortais de Rosalía de Castro, que tivo lugar o 25 de maio de 1891.

Organizado pola AELG, o cortexo cívico conta co apoio e colaboración de diversos colectivos, como as asociacións culturais O Galo, Medulio, Auriense, Maio Longo, Solfa e a Asociación Cultural de Meira, e fundacións como Manuel María e Bautista Álvarez, entre outras organizacións culturais que se irán sumando ao longo destas semanas.

Un tren, identificado como Follas Novas, partirá da estación da Matanza, ao carón da casa de Rosalía, o xoves día 15 de xullo ás 17.45 horas, para facer o traxecto Padrón-Compostela. Unha hora antes, ás 16.45, haberá unha concentración na colexiata de Santa María de Iria, no cemiterio de Adina, onde o presidente da AELG, Cesáreo Sánchez, informará do sentido dos actos, á vez que se lerá un poema de Rosalía de Castro.

Na estación de Compostela agardará a comitiva restante, actuando a banda municipal. Xa en Santiago, o cortexo sairá pola rúa do Hórreo cara a Praza do Toural, primeira parada da comitiva, onde haberá unha lectura de poemas deCantares Gallegos, para continuar pola Praza da Universidade e pola Praza de Cervantes, onde se lerán outros poemas de Rosalía.

Finalmente, en San Domingos de Bonaval celebrarase unha audición do Ángelus, de Massenet, e unha lectura de poemas de Follas Novas, intercalando actuacións do diversos grupos musicais e artistas participantes, para rematar o acto coa lectura dun comunicado reivindicativo da figura de Rosalía de Castro, cando se cumpren 125 anos da súa morte.

As persoas que queiran formar parte do cortexo facendo uso do tren, entre Padrón e Compostela*, deberán anotarse, antes do vindeiro 8 de xullo no correo electrónico oficina@aelg.org ou no teléfono 981 133 233 (luns a xoves, de 08:00 a 14:30 e de 15:30 a 17:30; venres de 08:00 a 14:00)

O prezo será de cinco euros por persoa, que se aboarán durante o traxecto.

* A viaxe en tren é só de ida desde Padrón a Compostela

Vexa aquí nun mapa os diversos lugares que percorrerá o cortexo.

O programa é o que segue:

16.45 Concentración na colexiata de Santa María de Iria, cemiterio de Adina:

Lectura dun poema de Rosalía e marcha a pé até a estación da Matanza, ao carón da casa de Rosalía, para tomar o tren deica Compostela.

17.45 Saída do tren cara a Santiago

18.00 Recepción do tren “Follas Novas” na estación de Santiago de Compostela

Onde estará agardando a comitiva restante que non acudiu ao cemiterio e que se sumará neste momento ao cortexo a pé polas rúas compostelás, con actuación da banda municipal. Saída pola rúa do Hórreo cara a Praza do Toural.

18.45 Praza do Toural, primeira parada da comitiva.

Lectura de 3 poemas de Cantares Gallegos.

19.15 Praza da Universidade

Audición do Pietat Signore, de Stradella; lectura doutros tres poemas de Cantares Gallegos.

19.30 Praza de Cervantes

Escaparates da Libraría Couceiro dedicados ás obras de Rosalía. Lectura doutros tres poemas.

19.45 San Domingos de Bonaval

Audición do Ángelus, de Massenet, lectura de poemas de Follas Novas, intercalando actuacións dos grupos musicais ou artistas participantes, lectura do comunicado/manifesto (véxao clicando aquí) sobre os 125 anos de Rosalía e a reivindicación de apertura ao público do Panteón.

Canto do Himno Galego.

Desde a AELG agradecemos que Rosalía estea presente e visíbel ao longo do percorrido, polo que cómpre facérmonos acompañar de iconografía rosaliana (chapas, camisetas, fotos, libros da autora, etc.) que a converta a todos os ollos na auténtica protagonista da xornada, así como de flores coas que realizar a ofrenda floral no Panteón de Galegos Ilustres.

HAI AUTOBUS PARA O DESPRAZAMENTO.

A cantiga dí: “ó muiño do meu compadre fun polo vento vin polo aire”…mais nós dicimos que hai que ir amodiño que as cousas do muiño teñen o seu aquel pousón. Xa sabedes, Parroquia de Carreira, Aldea do Vilar, Parque Natural, muiños de Amendo…Todo moi apracible. NON FALTEDES !!!

A presentación do último libro de Carlos Callón estivo ateigada de público

Na mesa, de esquerda a dereita, Xosé Antonio Vázquez, de Altofalante; Suso Laíño, de Barbantia; Carlos Callón, o autor; e Manuel Bragado, o director de publicacións de Xeraise Plácido Betanzos, escritor.

As pandereteiras de Lumieira pecharon o acto con brillantez.

Barbanza, 11 de maio de 2010. Co lema “O galego, o noso existir”, a plataforma cidadá “Queremos Galego” de Barbanza confía “nunha mobilización histórica do pobo galego contra as agresións á nosa cultura e o desmantelamento da oficialidade da nosa lingua. A Plataforma Queremos Galego da Barbanza convoca á cidadanía  á manifestación a prol da nosa lingua propia o vindeiro 17 de maio, Día das Letras Galegas”.

“Quen cre nas potencialidades de Galiza, defende a identidade do país e defende a lingua”, sinala este colectivo de activistas polo galego, que confía en ateigar de novo a praza do Obradoiro de Compostela “como xa acontecera na masiva manifestación contra o decretazo no ensino do pasado 21 de xaneiro”.  Queremos Galego engade que “queremos visualizar e afortalar a unidade social existente neste momento arredor da defensa do galego, unha unidade social da que só se autoexclúe o Partido Popular, que será o único que non estea mobilizándose na rúa o 17 de maio en favor da lingua e da cultura propias do país”.

Como en ocasións anteriores, a plataforma Queremos Galego  da Barbanza poñerá  un servizo de autobuses gratuito con este plan de saídas:

Ribeira-———————10:00  (Estación de Autobuses)

Pobra Do Caramiñal—–10:15 (parada da Alameda)

Boiro———————— 10:30  (Praza do Concello)

Rianxo———————–10:45  (parada do Porto de Rianxo)

Reserva de praza no autobús en vazquezcobas@yahoo.es ou teléfono 638 070 867

Regreso ao rematar a manifestación.

Web de referencia: http://queremosgalego.org

Venda de entradas na Barbanza:

Ribeira  :   638 070 867    Xosé A,V. Cobas.

Pobra    :   699 116 776   Manel Casal.

Boiro     :   676 492 485    Daniel Ermo.

Rianxo   :    650 979 182    Adolfo Muiños.

CONVOCATORIA DA ASEMBLEA ANUAL ORDINARIA DE SOCIOS/AS DE ALTOFALANTE.

Prezado socio/a, pola presente convóche para a xuntanza de socios/as de Altofalante que vai ter lugar o vindeiro sábado 27 de FEBREIRO ás 17:00 horas no Centro Recreativo de Artes, coa seguinte orde do día:

1.- Lectura e aprobación da acta anterior.

2.- Informe anual de actividades polo Presidente.

3.- Informe da Secretaría.

4.- Informe da Tesourería.

5.- Varios.

En Ribeira a 11 de febreiro de 2010

Pola secretaría.

Luis Teira Parada   

O presidente.

Xosé Antonio Vázquez Cobas